مانسہرہ پولیس کی کارروائی میں منشیات فروش 2 کلو سے زائد چرس سمیت گرفتار

مانسہرہ۔ 08 اپریل (اے پی پی):مانسہرہ پولیس نے ایک کارروائی کے دوران منشیات فروش کو رنگے ہاتھوں گرفتار کر کے 2 کلو سے زائد چرس برآمد کر لی۔ مانسہرہ پولیس کے مطابق ڈی پی او شفیع اللہ گنڈا پور کے احکامات پر ضلع بھر میں جرائم کے خاتمے کے لیے کارروائیوں کا سلسلہ جاری ہے۔

ایس ایچ او تھانہ دربند حسن خان نے پولیس ٹیم کے ہمراہ کارروائی کرتے ہوئے منشیات فروش علی محمد ولد نور عالم سکنہ بیروٹی سے موقع پر 2 کلو 110 گرام چرس برآمد کر لی۔ گرفتار ملزم کے خلاف منشیات ایکٹ کے تحت مقدمہ درج کر کے تفتیش شروع کر دی گئی ہے۔

Short Link: https://urdu.app.com.pk/urdu/?p=579421