فالس فلیگ آپریشن کی آڑ میں نریندر مودی نے آمریت نافذ کر دی ہے، بیرسٹر سیف

پشاور۔ 02 مئی (اے پی پی): مشیر اطلاعات خیبر پختونخوا بیرسٹر سیف نے کہا کہ فالس فلیگ آپریشن کی آڑ میں نریندر مودی نے بھارت میں آمریت نافذ کر دی ہے۔ انہوں نے کہا کہ جمہوریت کے دعویدار ملک میں آزادی اظہارِ رائے پر مکمل پابندی عائد کر دی گئی ہے اور انسانی حقوق کی پامالیوں میں ریکارڈ اضافہ ہوا ہے۔ایک بیان میں بیرسٹر سیف نے کہاکہ فالس فلیگ آپریشن کے دفاع میں نریندر مودی فسطائیت پر اُتر آیا ہے۔مودی نے آر ایس ایس کے نظریے کے پرچار میں پورے خطے کے امن کو داؤ پر لگا دیا ہے۔بیرسٹر سیف نے مزید کہا کہ کوئی بھی فالس فلیگ آپریشن کو حقیقت ماننے کے لیے تیار نہیں ہے اور اس ڈرامے کی ناکامی پر نریندر مودی حواس باختہ ہیں۔

Short Link: https://urdu.app.com.pk/urdu/?p=591497