اسلام آباد۔2مئی (اے پی پی):چیئرمین سی ڈی اے اور چیف کمشنر اسلام آباد محمد علی رندھاوا کی زیر صدارت سی ڈی اے کا ایک اہم اجلاس سی ڈی اے ہیڈکوارٹر میں منعقد ہوا۔ اجلاس میں ممبر ایڈمن، ممبر اسٹیٹ، ممبر انجینرنگ، ممبر پلاننگ، ممبر انوائرمنٹ، ممبر ٹیکنالوجی اور سی ڈی اے کے سینئر افسران نے شرکت کی۔اجلاس میں سی ڈی اے کی مجموعی کارکردگی کا جائزہ خصوصا سیکٹر ڈویلپمنٹ، بیوٹیفیکشن، سینی ٹیشن، نئی شاہرات اور انڈرپاسزکی تعمیر عوام کی سفری سہولیات میں مزید بہتری خصوصا الیکڑک بسوں کی تعداد میں اضافہ، کیبل کار ،خصوصا ایف نائن پارک، لیک ویو پارکس کی اپلفٹینگ، تھیم پارک، ایڈونچر پارک بارے میں اب تک کی پیش رفت کا جائزہ لیا گیا۔
چیئرمین سی ڈی اے کے تمام پراجیکٹس کا تھرڈ پارٹی آڈٹ کرنے کی ہدایت کے ساتھ ساتھ سیکٹرز ڈویلپمنٹ پر خصوصی توجہ دینے کی ہدایت کی۔چیئرمین سی ڈی اے نے اسلام آباد کے شہریوں کی پانی کی فراہمی کو یقینی بنانے کے عزم کا اظہارکرتے ہوے کہا کہ سی ڈی اے نے اسلام آباد کے شہریوں کے پانی کے مسائل کے حل کے لئے جہاں سی ڈی اے نے اسلام آباد واٹڑ ایجنسی بنائی ہے وہاں پانی کی مستقبل میں فراہمی کے لئے مختلف آپشنز کے بارے میں تفصیلی قزیبلٹی رپورٹ تیار کرنے کے علاوہ قومی اور بین الاقوامی ڈونرز سے بھی قانون کے مطابق رابطہ کرنے کی ہدایت کی۔
چیئرمین سی ڈی اےنے کہا کہ اسلام آباد کی قانونی اور غیر قانونی ہاوسنگ سوسائیٹوں کی لسٹ نہ صرف سی ڈی اے ویب سائٹس پر لگانے اور اسے میڈیا میں مشتہر کرنے کی ہدایت کی تاکہ عوام اپنی سرمایہ کاری کرنے سے پہلے متعلقہ سوسائٹی کی قانونی حیثیت کے بارے میں آگاہ ہوں۔چیئرمین سی ڈی اے نے بعد ازاں مختلف شہریوں کی ذاتی طور پر شکایات سنیں اور موقع پر احکامات جاری کیئے۔
Short Link: https://urdu.app.com.pk/urdu/?p=591583
