اسلام آباد۔3مئی (اے پی پی):صدر مملکت آصف علی زرداری نے خیبر پختونخواہ میں 3 مختلف کارروائیوں میں 5 خوارج جہنم واصل اور 2 کو گرفتار کرنے پر سکیورٹی فورسز کو خراج تحسین پیش کیا ہے۔ایوان صدر میڈیا ونگ سے جاری بیان کے مطابق صدر مملکت نے انٹیلیجنس پر مبنی کاروائیوں کے دوران ہائی ویلیو ٹارگٹ سمیت فتنۃ الخوارج کے 5 دہشت گردوں کا قلع قمع کرنے پر سکیورٹی فورسز کی بہادری کو سراہا۔
صدر مملکت نے کارروائی کے دوران دہشتگردوں کے سرغنہ کو جہنم واصل کرنے پر سکیورٹی فورسز کی تعریف کرتے ہوئے کارروائی کے دوران دہشت گردوں کے سرغنہ کو ہلاک کرنا سکیورٹی فورسز کی کامیابی ہے۔صدر مملکت نے کہا کہ دہشت گردوں کے مکمل خاتمے تک سکیورٹی فورسز کی کاروائیاں جاری رہیں گی،پاکستان کی سکیورٹی فورسز کا دہشت گردی کے خاتمے کے لیے کامیاب کاروائیاں کرنا خوش آئند ہے، صدر مملکت نے کہا کہ دہشت گرد عناصر کے خاتمے، ملکی دفاع کیلئے ہمارا عزم غیر متزلزل رہے گا،صدر مملکت نے فتنۃ الخوارج کے مکمل خاتمے کے قومی عزم کا اظہار ہے۔
Short Link: https://urdu.app.com.pk/urdu/?p=591703
