ایس پی حویلیاں محمد اشتیاق خان کی گلیات میں مختلف سٹیک ہولڈرز سے ملاقات، عوام کی سہولت کیلئے مختلف امور پر تبادلہ خیال

ایبٹ آباد۔ 6 مئی (اے پی پی):ضلعی پولیس سربراہ ایبٹ آباد عمر طفیل کی ہدایات پر ایس پی حویلیاں ڈویژن محمد اشتیاق خان نے گلیات میں مختلف سٹیک ہولڈرز سے ملاقات کی۔ اس موقع پر ایس ڈی پی او سرکل گلیات امتیاز خان سمیت ٹریفک پولیس کے افسران و مقامی پولیس افسران سمیت ہوٹل ایسوسی ایشن اور ٹریڈ یونین کے عہدیداران نے بھی میٹنگ میں شرکت کی۔

اس موقع پر آمدہ سیاحتی سیزن کے دوران عوام کی سہولت و آسانی اور جان و مال کے تحفظ، کار پارکنگ، ٹریفک کی روانی برقرار رکھنے سمیت مختلف امور پر تفصیلی تبادلہ خیال اور تمام تر وسائل بروئے کار لانے پر اتفاق کیا گیا۔

Short Link: https://urdu.app.com.pk/urdu/?p=593123