وزیراعلی پنجاب مریم نواز شریف کا پاک فضائیہ کو بھارتی جنگی طیارے مار گرانے پر شاندار الفاظ میں خراج تحسین

لاہور۔7مئی (اے پی پی):وزیراعلی پنجاب مریم نواز شریف نے پاک فضائیہ کو بھارت کے جنگی طیارے مار گرانے پر شاندار الفاظ میں خراجِ تحسین پیش کیا ہے۔

وزیراعلی مریم نوازشریف نے کہا کہ بھارت کا غرور، تکبر اور جھوٹا پراپیگنڈہ فضائوں میں جل کر راکھ ہو چکا ہے،پاک فضائیہ نے دنیا پر واضح کر دیا کہ پاکستان امن کا خواہاں ضرور ہے مگر دفاع پر کوئی سمجھوتہ نہیں کرے گا،پاک فوج نے صرف ملک کا دفاع ہی نہیں کیا بلکہ تاریخ رقم کی ہے،

پاکستان نے دنیا کو بتا دیا ہے کہ یہ پاکستان ہے اسے آزمانے والے ہمیشہ پچھتاتے ہیں،قوم کو اپنی افواج پر فخر ہے۔انہوں نے کہا کہ ہم اپنے جوانوں اور پائلٹس کو سلام پیش کرتے ہیں۔

Short Link: https://urdu.app.com.pk/urdu/?p=594027