صادق آباد ۔ 12 مئی (اے پی پی):تھانہ شیدانی مقابلہ میں چار افراد کو ذبح کرکے موت کے گھاٹ اتارنے والا قاتل ہلاک کوٹسمابہ پولیس نے ملزم کو زخمی حالت میں گرفتار کر لیا، اسلحہ اور موٹر سائیکل برآمد ڈی پی او عرفان علی سموں کی پولیس پارٹیز کو شاباش۔
پہلی کارروائی اس وقت عمل میں آئی جب ایس ایچ او تھانہ شیدانی جاوید خان گوپانگ انچارج چوکی خانبیلہ سب انسپکٹر فہیم رشید و دیگر پولیس نفری کے ساتھ اڈا چانجنی پر ناکہ بندی کیے ہوئے تھے کہ اسی دوران تین مشکوک موٹر سائیکل سواروں جو انہوں نے روکنے کی کوشش کی ملزمان نے ناکہ توڑ کر فرار یونے کی کوشش کی پولیس کے تعاقب پر ملزمان نے پولیس پارٹی پر فائرنگ کردی جس کے نتیجہ میں پولیس اور مسلح ملزمان کے درمیان فائرنگ کا تبادلہ ہوگیا جس دوران ایک کس اپنے ہی ساتھیوں کی فائرنگ کی زد میں زخمی ہو گیا جبکہ دیگر دو ملزمان فرار ہوگئے پولیس نے زخمی ملزم کو سنبھالا جس کی شناخت عمیر آرائیں کے نام سے ہوئی جس نے خاندانی تنازعہ پر اپنی دادی،
چچی اور دو کم سن کزنوں تیز دھار آلے سے ذبح کرکے موت کی گھاٹ اتار دیا تھا جس کے قریب سے ایک عدد پسٹل اور خنجر بھی قبضہ پولیس میں لے لیا گیا، زخمی ملزم کو ہسپتال منتقل کرنے کی کوشش کی گئی مگر وہ زخموں کی تاب نہ لاتے ہوئے ہلاک ہو گیا جس کے بعد پولیس حسب ضابطہ کارروائی کا آغاز کر دیا،
دوسری کارروائی تھانہ کوٹسمابہ کی حدود میں پیش آئی جس میں سب انسپکٹر شہباز انور دیگر پولیس پارٹی کے ہمراہ اڈا شاہ گڑھ کے قریب ناکہ بندی کرتے ہوئے چیکنگ جاری رکھے ہوئے تھے اسی اثناء میں دو موٹر سوار ملزمان کو روکنے کی کوشش کی تو وہ ناکہ بندی توڑکر پولیس پارٹی پر فائرنگ کرتے ہوئے فرار یونے لگے جن کا تعاقب کرتے ہوئے انہوں نے ایس ایچ او سجاد چیمہ کو بھی وائرلیس پیغام دے دیا
جو کہ دیگر پولیس نفری کے ساتھ پولیس پارٹی سے آ ملے ملزمان موضع پتی پنواراں کے قریب سیم نالہ کے قریب موٹر سائیکل پھینک کر پولیس پر فائرنگ کرنے لگے جس پر پولیس پارٹی نے بھی حق حفاظت خود اختیاری کے تحت جوابی فائرنگ کی فائرنگ تھمنے پر پولیس نے دیکھا تو ایک کس زخمی حالت میں ملا ج وکہ اپنے ساتھی کی فائرنگ کی زد میں آکر زخمی ہو چکا تھا جبکہ دوسرا ملزم فرار ہو چکا تھا
دریافت پر جس نے اپنا نام مبشر عرف دولی بتایا جس کے قریب موجود پسٹل تیس بور اور زیر استعمال موٹر سائیکل جو کہ چوری شدہ نکلی قبضہ پولیس میں لے لی گئی پڑتال ریکارڈ پر ملزم 21 مقدمات کا ریکارڈی و عادی ملزم نکلا پولیس نے زخمی ملزم کو علاج معالجہ کی خاطر ہسپتال منتقل کر دیا، ڈی پی او عرفان علی سموں نے پولیس کے کوئیک رسپانس اور کامیاب کاررائیوں پر پولیس پارٹیز کو شاباش دی ہے۔
Short Link: https://urdu.app.com.pk/urdu/?p=595998
