اسلام آباد۔12مئی (اے پی پی):وزارت منصوبہ بندی، ترقی، اصلاحات و خصوصی اقدامات نے سرکاری شعبہ کے ترقیاتی پروگرام کے تحت ملک کے ترقیاتی منصوبوں کیلئے مجموعی طور پر اب تک 8 کھرب 94ارب 8 کروڑ روپے کے فنڈز جاری کر دیئے ہیں جبکہ ان میں سے اب تک 4 کھرب48ارب 64 کروڑ روپے خرچ کیے جاچکے ہیں ۔ پلاننگ کمیشن کی طرف سے جاری کردہ اعداد و شمار کے مطابق حکومت نے رواں مالی سال کے دوران ترقیاتی منصوبوں کیلئے11 کھرب روپے کے فنڈز مختص کئے ہیں۔
اعداد و شمار کے مطابق این ٹی ڈی سی پیپکو کے ترقیاتی منصوبوں کیلئے94ارب 64 کروڑ روپے ، نیشنل ہائی وے اتھارٹی کیلئے ایک کھرب61ارب 26 کروڑ، واٹر ریسورس ڈویژن کیلئے ایک کھرب 69 ارب 59 کروڑ روپے ، سائنس ٹیکنالوجیکل ریسرچ ڈویژن کیلئے 6 ارب 64 کروڑ روپے ، ریونیو ڈویژن کیلئے 5 ارب 81 کروڑ روپے ، پلاننگ کمیشن کیلئے 7 ارب 49کروڑ روپے ، ریلویز ڈویژن کیلئے 35 ارب روپے ، پٹرولیم ڈویژن کیلئے ایک ارب 95کروڑ روپے ، پاکستان نیوکلیئر ریگولیٹری اتھارٹی کیلئے 25 کروڑ 63 لاکھ روپے ، قومی تاریخی ورثہ ڈویژن کیلئے 35 کروڑ 52 لاکھ روپے ، صحت کی سہولیات بہتر بنانے کیلئے 21 ارب 3 کروڑ روپے
، نیشنل فوڈ سکیورٹی ریسرچ ڈویژن کیلئے 8 ارب 37 کروڑ روپے ، میری ٹائم افیئرز ڈویژن کیلئے ایک ارب 56 کروڑ روپے ، لاجسٹس ڈویژن کیلئے 93 کروڑ روپے ، داخلہ ڈویژن کیلئے 9 ارب 78 کروڑ روپے ، بین الصوبائی رابطہ ڈویژن کیلئے ایک ارب 20 کروڑ روپے ، انفارمیشن ٹیکنالوجی ٹیلی کام ڈویژن کیلئے 8 ارب 37 کروڑ روپے ، انفارمیشن اینڈ براڈ کاسٹنگ ڈویژن کیلئے 3 ارب 78 کروڑ روپے ، صنعت و پیداوار ڈویژن کیلئے ایک ارب 49 کروڑ روپے ، انسانی حقوق ڈویژن کیلئے 10 کروڑ 40 لاکھ روپے ، ہائوسنگ ورکس ڈویژن کیلئے 4ارب 10 کروڑ روپے ،
ہائیر ایجوکیشن کمیشن کیلئے 56 ارب 94 کروڑ روپے ، صوبوں اور سپیشل ایریاز کیلئے ایک کھرب 56ارب 59کروڑ روپے ، فنانس ڈویژن کیلئے 2 ارب 12 کروڑ روپے ، وفاقی تعلیم و پیشہ وارانہ تربیت ڈویژن کیلئے 17 ارب 25 کروڑ روپے ، اسٹیبلشمنٹ ڈویژن کیلئے 32 کروڑ 23 لاکھ روپے ، ڈیفنس پروڈکشن ڈویژن کیلئے 2 ارب 17کروڑ روپے ، ڈیفنس ڈویژن کیلئے4 ارب 57 کروڑ روپے ،
کمیونیکیشن ڈویژن کیلئے 25 کروڑ 48 لاکھ روپے ، موسمیاتی تبدیلی ڈویژن کیلئے 4 ارب 17 کروڑ روپے ، کیبنٹ ڈویژن کیلئے48 ارب 64 کروڑ روپے ، سرمایہ کاری بورڈ ڈویژن کیلئے40کروڑ53 لاکھ روپے ، ایوی ایشن ڈویژن کےلئے 5 ارب 4 کروڑ روپے ، سپیشل انویسٹمنٹ فسیلی ٹیشن کونسل ڈویژن کیلئے 31کروڑ 38 لاکھ روپے سمیت مختلف ترقیاتی منصوبوں کیلئے فنڈز جاری کر دیئے گئے ہیں۔
Short Link: https://urdu.app.com.pk/urdu/?p=596010
