سرگودھا۔ 12 مئی (اے پی پی):وزیراعلی مریم نوازشریف کی ہدایت پر سرگودھا میں بیٹ سسٹم کا جدید ترین نظام نافذ کئے جانے کے بعد جرائم کی شرح میں 75فیصد تک کمی گاڑیوں کی چوری میں 75فیصد،ڈکیتی میں 40فیصد، گاڑی چھیننے کی وارداتوں میں 42فیصد کمی، رکشہ، لوڈر، اورموٹر سائیکل چوری کے واقعات میں بھی 50فیصد کمی، پراپرٹی کرائم کیسز میں 43گینگز گرفتار، تقریبا14 کروڑ روپے برآمد کرلئے گئے۔
ان خیالات کا اظہارڈسٹرکٹ پولیس افسر سرگودھا محمد صہیب اشرف نے اے پی پی سے گفتگو کرتے ہوئے کیا۔انہوں نے بتایا کہ سرگودھا شہر میں چوری کی وارداتو ں میں 16فیصد کمی، رات کی تاریکی میں ہونیوالے جرائم میں 30فیصد کمی، پرتشدد جرائم برخلاف جائیداد میں 21فیصد کمی ، ڈکیتی / گینگ ریپ، بچوں کے اغوا اور قتل جیسے جرائم میں کامیابی کی شرح میں 95فیصد کمی ، نابالغوں کے خلاف جرائم میں 11فیصدکمی ،ڈکیتی کے دوران قتل کے واقعات میں 67فیصد کمی، قتل میں 16فیصد کمی اور1442 اشتہاری پکڑے گئے، 2مجرموں کو بیرون ملک سے لا کر قانون کے کٹہرے میں کھڑا کیا۔
انہوں نے مزید بتایا کہ 166کلو کرسٹل میتھ/ آئس، 30 کلوہیروئن، 530کلو چرس،6480شراب کی بوتلیں برآمد، 661کیس درج، غیر قانونی اسلحے کے خلاف کریک ڈاؤن میں 830افراد گرفتار کئے گئے۔ ضلع سرگودھا میں پرتشدد جرائم برخلاف جائیداد میں 21فیصد نمایاں کمی آئی ہے،15 پکار پر کالز کی تعداد میں بھی 24فیصد کمی ہوئی ہے-
انہوں نے کہا کہ پو لیس نے جعلی پیر کی طرف سے خاتون کو جلائے جانے اور چچاکی طرف سے کمسن بھتیجیوں اور بھابھی کے قتل جیسے ہولناک جرائم کا نہ صرف چند گھنٹوں کے اندر سراغ لگایا بلکہ ملزموں کو کٹہرے میں کھڑا کردیا۔
سرگودھا میں جرائم پیشہ افراد کے خلاف کارروائی اور جرائم میں کمی کی نمایاں وجہ بیٹ سسٹم کا نفاذ ہے جس کی وجہ سے متعلقہ ایریاز میں 24گھنٹے بیٹ افسران کی موجودگی یقینی بنائی گئی ہے اور اس کے ساتھ ساتھ پٹرولنگ، سرچ آپریشنز، سنیپ چیکنگ اورپکٹنگ کی وجہ سے نگرانی کے عمل میں بہتری آئی اور بدنام زمانہ جرائم پیشہ افراد اور گینگز کے خلاف کامیاب کریک ڈاؤن ممکن ہوااوراشتہاری ملزمان کی گرفتاری سے جرائم میں 500فیصدتک کمی آئی ۔
Short Link: https://urdu.app.com.pk/urdu/?p=596018
