- Advertisement -
لاہور۔17مئی (اے پی پی):لاہور کی انسداد دہشت گردی عدالت نے پانچ اکتوبر کے جلائو گھیرائو کے دو مقدمات میں بانی پی ٹی آئی کی بہنوں علیمہ خان اور عظمٰی خان کی عبوری ضمانت میں 30مئی تک توسیع کر دی۔انسداد دہشت گردی عدالت کے جج ارشد جاوید نے مقدمات کی سماعت کی۔سماعت کے دوران علیمہ خان عدالت میں پیش نہ ہوئیں اور ان کے وکیل نے ایک روزہ حاضری معافی کی درخواست جمع کرائی۔
عدالت کو بتایا گیا کہ علیمہ خان راولپنڈی کی انسداد دہشت گردی عدالت میں دیگر کیسز میں پیش ہوئیں ہیں اس لئے یہاں لاہور میں پیش نہیں ہوسکتیں، استدعا ہے کہ ایک روزہ حاضری معافی کی درخواست منظور کی جائے ۔عدالت نے ایک روزہ حاضری معافی کی درخواست منظور کرلی اور کیس کی سماعت 30 مئی تک ملتوی کردی ۔
- Advertisement -
Short Link: https://urdu.app.com.pk/urdu/?p=598103
- Advertisement -
