لاہور سمیت صوبہ بھر میں پولیس کی ہفتہ وار جنرل پریڈ

لاہور۔19مئی (اے پی پی):لاہور سمیت صوبہ بھر میں پولیس کی ہفتہ وار جنرل پریڈ کا سینئر پولیس افسران نے معائنہ کیا ۔ترجمان پنجاب پولیس کےمطابق جنرل پریڈ میں پولیس لائنز، ڈولفن فورس، اینٹی رائٹ فورس، ٹریفک پولیس، مجاہد سکواڈ ایس پی یو، لیڈیز پولیس، او سی یو، انوسٹی گیشن ونگ اور آپریشن ونگ تھانہ جات کے افسران و جوانوں نے شرکت کی۔

سینئر افسران نے پریڈ میں حصہ لینے والے افسران و جوانوں کا ٹرن آوٹ بھی چیک کیا۔ ترجمان پنجاب پولیس کے مطابق جنرل پریڈ میں حصہ لینے والے اہلکاروں کے چاق و چوبند دستوں نے مارچ پاسٹ کیا، جنرل پریڈ میں خواتین اہلکاروں نے بھی حصہ لیا، واضح رہے کہ صوبہ بھر میں ہر سوموار کو باقاعدگی سے جنرل پریڈز کا انعقاد کیا جا رہا ہے۔

Short Link: https://urdu.app.com.pk/urdu/?p=598631