راولپنڈی۔ 13 اگست (اے پی پی):پاکستان پوسٹ کی جانب سے 78ویں یوم آزادی کے موقع پر 30 روپے کا یادگاری ڈاک ٹکٹ جاری کیا گیا ہے۔ ڈائریکٹر جنرل سمیع اللہ خان کی ہدایت پر جڑواں شہروں، مری، لاہور، کراچی، کوئٹہ، پشاور سمیت ملک بھر کے اہم شہروں کے جی پی اوز کی عمارتوں کو برقی قمقموں اور قومی پرچموں سے خوبصورتی سے سجایا گیا ہے۔ ایڈیشنل ڈائریکٹر جنرل آپریشنز مقصود احمد نے کہا کہ یادگاری ڈاک ٹکٹ یوم آزادی کے ساتھ ساتھ انصاف کی جنگ میں پاک فوج کی کامیابیوں کو اجاگر کرتا ہے۔
خصوصی یادگاری ڈاک ٹکٹ ملک بھر کے فلیٹلک بیورو میں فروخت کے لیے دستیاب ہوگا۔ انہوں نے کہا کہ تمام جی پی اوز میں خصوصی تقریبات منعقد کرنے کی ہدایات جاری کر دی گئی ہیں۔ انہوں نے ’’اے پی پی‘‘ کو بتایا کہ راولپنڈی جی پی او میں پرچم کشائی کی تقریب میں تاجر برادری، سووینئر سٹیمپ کے شوقین افراد اور طلباء شرکت کریں گے۔ اس موقع پر قومی ترانہ بجایا جائے گا اور کیک کاٹا جائے گا۔راولپنڈی کی جی پی او کی عمارت کو قومی پرچموں اور قومی عزم اور خوبصورتی کی تصویر کشی کرتی روشنیوں سے سجایا گیا ہے۔
