وفاقی وزیر عطاء اللہ تارڑ کے لئے پاک بھارت کشیدگی کے دوران عالمی سطح پر قومی بیانیہ موثر انداز میں پیش کرنے پر نشان امتیاز

اسلام آباد۔14اگست (اے پی پی):وفاقی وزیر اطلاعات و نشریات عطاء اللہ تارڑ کو حالیہ پاک بھارت کشیدگی کے دوران قومی بیانیہ عالمی سطح پر موثر اور کامیاب انداز میں پیش کرنے پر نشان ء امتیاز عطاء کیا گیا۔ یہ اعزاز انہیں جمعرات کو یہاں ایوان صدر میں منعقدہ پروقار تقریب میں صدر مملکت نے سول و عسکری شخصیات کو اعلیٰ قومی اعزازات دینے کی تقریب میں پیش کیا۔

واضح رہے کہ پاکستان اور بھارت کے درمیان کشیدہ صورتحال میں عطاء اللہ تارڑ نے سول و عسکری اداروں کی جانب سے اطلاعات کی ترسیل میں کامل ہم آہنگی پیدا کر کے بھارت کے جھوٹے پروپیگنڈے کو کامیابی سے ناکام بنایا اور پاکستان کے موقف کو عالمی فورمز پر بھرپور انداز میں اجاگر کیا۔