شاہ سلمان اور ولی عہد کا امیر کویت سے شیخ علی عبداللہ الخلیفہ الصباح کے انتقال پر اظہار تعزیت

ریاض ۔31اگست (اے پی پی):سعودی قیادت نے امیر کویت شیخ مشعل الاحمد الجابر الصباح سے شیخ علی عبداللہ الخلیفہ الصباح کے انتقال پر تعزیت کا اظہار کیا ہے۔

ایس پی اے کے مطابق شاہ سلمان بن عبدالعزیز نے تعزیتی پیغام میں امیر کویت اور شیخ علی عبداللہ الخلیفہ الصباح کے اہل خانہ سے تعزیت اور دلی ہمدردی کا اظہار کیا۔ولی عہد شہزادہ محمد بن سلمان نے امیرکویت اور کویتی ولی عہد کو علیحدہ علیحدہ تعزیتی پیغامات بھیجے ہیں۔