کوئٹہ ۔14نومبر ( اے پی پی )وفاقی وزیر ریلوے شیخ رشید احمد نے کہا ہے کہ بلوچستان حکومت نے گوادر میں ریلوے اسٹیشن کے قیام کے لیے سینکڑوں ایکڑ زمین فراہم کردی ہے ،اکبر بگٹی ایکسپریس کا کرایہ کم اور ائیرکنڈیشن لگادیا ہے ،میرے لیے اعزاز کی بات ہے کہ گورنر سندھ عمران اسماعیل اور وفاقی وزیر آبی وسائل فیصل واوڈا نے میری درخواست پر کوئٹہ ریلوے اسٹیشن کا دورہ کرکے میری عزت افزائی کی ہے۔ان خیالات کا اظہار انہوں نے بدھ کو گورنر سندھ عمران اسماعیل اور وفاقی وزیر آبی وسائل فیصل واوڈا کے ہمراہ کوئٹہ ریلوے اسٹیشن پر صحافیوں سے بات چیت کرتے ہوئے کیا۔
