اسلام آباد۔11اکتوبر (اے پی پی):آ سٹریلیا پاکستان کو نہری پانی کی تقسیم پر تحقیق کے منصوبے کے لئے 3 ملین آسٹریلوی ڈالر فراہم کرے گا۔جمعہ کو وفاقی وزیربرائےاقتصادی اموراحد چیمہ کی منظوری کے بعد سیکرٹری اقتصادی امورڈاکٹرکاظم نیازنے آسٹریلین سنٹرفارانٹرنیشل ایگریکلچرریسرچ کی چیف ایگزیکٹو پروفیسر وینڈی امبرگر کے ہمراہ ذیلی معاہدے کی یادداشت پر دستخط کئے جس کا مقصد موسمیاتی مناسبت اور موافقت کے لحاظ سے پانی کی تقسیم ہے۔
اس معاہدے کے تحت آسٹریلیا پاکستان کو اس منصوبے کے لئے 3 ملین آسٹریلوی ڈالرفراہم کرے گا یہ منصوبہ تقریباً پانچ سال تک مکمل ہوگا۔ یہ ایک تحقیقی منصوبہ ہے اور اس تحقیق کا مقصد پاکستان میں نہری پانی کی تقسیم کے بہتر فیصلوں اور طریقوں کی اعتباریت کو بہتر بنانے میں مدد کرنا ہے تاکہ پانی کی تقسیم کے معاہدے کو اپ ڈیٹ کر کے،
آن فارم واٹر سٹوریج کے مکانات کی تلاش وسط سیزن کی منصوبہ بندی اور آپریشنز کو شامل کیا جا سکے جس کا مقصد کاشتکار برادریوں کے لیے بہتر سماجی اور اقتصادی نتائج کے لئے پانی کے مساوی استعمال کو یقینی بناناہے۔وزارت اقتصادی امور کے سیکرٹری ڈاکٹر کاظم نیازنے زرعی شعبے کی ترقی کے لئے حکومت پاکستان کی کوششوں میں مسلسل تعاون کرنے پر آسٹریلوی حکومت کا شکریہ ادا کیا۔
Short Link: https://urdu.app.com.pk/urdu/?p=511249
