لاہور۔19مئی (اے پی پی):محکمہ موسمیات کی پیشنگوئی کے مطابق آئندہ چوبیس گھنٹوں کے دوران صوبائی دارالحکومت لاہور سمیت پنجاب کے بیشتر اضلاع میں موسم گرم اور خشک جبکہ جنوبی اضلاع میں شدید گرم رہنے کا امکان ہے تاہم بعض علاقوں میں مطلع جزوی طور پر ابر آلود رہنے کے علاوہ چند مقامات پر تیز ہوائوں/آندھی اور گرج چمک کے ساتھ بارش کی تو قع ہے۔
ترجمان محکمہ موسمیات کے مطابق گزشتہ چوبیس گھنٹوں کے دوران پنجاب کے بیشتر اضلاع میں موسم گرم وخشک رہا جبکہ بعض علاقوں میں موسم جزوی طور پر ابر آلود رہنے کے علاوہ چند مقامات پر تیز ہوائوں/آندھی اور گرج چمک کے ساتھ بارش ہو ئی۔
لاہور میں کم سے کم درجہ حرارت26 اور زیادہ سے زیادہ39 سینٹی گریڈ ریکارڈ کیا گیا جبکہ ہوا میں نمی کا تناسب40 فیصدرہا۔لا ہور میں آلودگی کی مجموعی شرح153فیصد رہی جبکہ لا ہور امر یکن سکول124، ہنڈا گیٹ وے 142، غازی روڈ 134،یو ایم ٹی132،پولو گرائونڈ75 ، جنریشن پاور لمیٹڈ90،جو ہر ٹائون 105اورعسکری ٹین میں129 ایئر کوالٹی انڈیکس ریکارڈ کیا گیا۔
Short Link: https://urdu.app.com.pk/urdu/?p=598744
