واشنگٹن ۔ 22 جولائی (اے پی پی) پاک فوج کے ترجمان میجر جنرل آصف غفور نے کہا ہے کہ پاک فوج کے سربراہ آرمی چیف جنرل قمر جاوید باجوہ وزیراعظم عمران خان کے وفد کے رکن کی حیثیت سے وائٹ ہاو¿س میں ہونے والے اجلاس میں شریک ہوں گے۔ ڈی جی آئی ایس پی آر میجر جنرل آصف غفور کے ٹویٹ کے مطابق آرمی چیف جنرل قمر جاوید باوجوہ وائٹ ہاو¿س میں ہونے والے اجلاس کے بعد پینٹاگون کا دورہ کریں گے۔ پینٹاگون میں آرمی چیف جنرل قمر جاوید باجوہ امریکا کے قائم مقام وزیر دفاع رچرڈ اسپینسر سے ملیں گے۔ جنرل قمر جاوید باجوہ امریکی چیئرمین جوائنٹ چیفس آف سٹاف جنرل جوزف ڈنفورڈ اور امریکی چیف آف سٹاف جنرل مارک اے سے بھی ملاقاتیں کریں گے۔
