میڈرڈ۔30اگست (اے پی پی): آسٹریلیا کے سائیکل سوار کیڈن گرووز نے ویلٹا اسپانیا سائیکل ریس کا چوتھا مرحلہ جیت لیا۔ویلٹا اسپانیا سائیکل ریس کا 78 واں ایڈیشن سپین میں شروع ہوگیا ہے جو 21 مراحل پر مشتمل ہے۔ ریس میں 22 ٹیموں کے سائیکلسٹ ایکشن میں ہیں۔
آسٹریلیا کے 24 سالہ سائیکلسٹ کیڈن گرووز نے ویلٹا اسپانیا سائیکل ریس کا چوتھا مرحلہ اپنے نام کیا ان کی ریس میں یہ پہلی سٹیج فتح ہے۔ کولمبیا کے 29 سالہ جوآن سیباسٹین مولانو نے ریس کے چوتھے رائونڈ میں دوسری ، بیلجیئم کے سائیکلسٹ ایڈورڈ تھیونس نے تیسری ،بیلجیئم کے میلان مینٹین نے چوتھی جبکہ بیلجیئم کے ہی ڈریس وین گیسٹل نے پانچویں پوزیشن حاصل کی۔ ویلٹا اسپانیا سائیکل ریس سپین میں جاری ہے ۔
ویلٹا اسپانیا سائیکل ریس کا چوتھامرحلہ اینڈورا لا ویلا (انڈورا) سے ٹیراگونا تک پہاڑی ٹریک پر 181.3 کلو میٹر پر محیط تھا جس کوآسٹریلیا کے 24 سالہ سائیکلسٹ کیڈن گرووز نےعمدہ سائیکلنگ کا مظاہرہ کرتے ہوئے تمام حریف سائیکل سواروں کو پیچھے چھوڑتے ہوئے پہلی پوزیشن حاصل کی ۔ آسٹریلین سائیکلسٹ کیڈن گرووز نے چوتھے رائونڈ کا مطلوبہ فاصلہ 4 گھنٹے 5 منٹ اور 41سیکنڈز میں طے کرتے ہوئے پہلی پوزیشن حاصل کی۔
ریس کے چوتھے مرحلے میں کولمبیا کے 29 سالہ جوآن سیباسٹین مولانو نے ریس میں دوسری ، بیلجیئم کے سائیکلسٹ ایڈورڈ تھیونس نے تیسری ،بیلجیئم کے میلان مینٹین نے چوتھی جبکہ بیلجیئم کے ہی ڈریس وین گیسٹل نے پانچویں پوزیشن حاصل کی۔ بیلجیئم کے سائیکلسٹ ریمکو ایونپول کا ریڈ جرسی پر قبضہ برقرار ہے ۔ویلٹا اسپانیا سائیکل ریس میں کل 21 مراحل ہیں جس میں شرکت کرنے والے سائیکل سوار کل3153.8 کلومیٹر کا فاصلہ طے کریں گے۔ ویلٹا اسپانیا سائیکل ریس17ستمبر کو سپین کے دارالحکومت میڈرڈ میں اختتام پذیر ہوگی۔
Short Link: https://urdu.app.com.pk/urdu/?p=384146
