بیجنگ ۔25جون (اے پی پی):چین کی وزارت خارجہ کے ترجمان گو جیاکون نےکہا کہ چین مشرق وسطیٰ میں ہونے والی پیش رفت کا قریب سے جائزہ لے رہا ہے اور خطے میں امن اور استحکام کو فروغ دینے کے لیے ایک پائیدار اور موثر جنگ بندی کی امید رکھتا ہے۔انہوں نے بدھ کو اپنی معمول کی بریفنگ کے دوران کہا کہ "چین مشرق وسطیٰ میں ہونے والی پیش رفت کو قریب سے دیکھ رہا ہے۔
ہمیں ایک دیرپا اور موثر جنگ بندی دیکھنے کی امید ہے اور وہ مشرق وسطیٰ میں امن و استحکام کو فروغ دینے کے لیے کام کرے گا،”جب ان سے پو چھا گیا کہ اسرائیل اور ایران کے درمیان جنگ بندی کے بارے میں چین کا کیا مؤقف ہے اور چین ایران کے ساتھ کس طرح کام کرنے کا ارادہ رکھتا ہے تاکہ خطے کو دوبارہ جنگ کی طرف پھسلنے سے روکا جا سکے۔
انہوں نے کہا کہ چین اور ایران کے عوام کے درمیان روایتی دوستی ہے۔ چین دونوں عوام کے مفاد کے لیے ایران کے ساتھ دوستانہ تعاون کو برقرار رکھنے اور مشرق وسطیٰ میں امن و استحکام کے لیے مثبت عوامل فراہم کرنے کے لیے تیار ہے۔
