اسلام آباد۔22مئی (اے پی پی):اسلام آباد پولیس نے دوکروڑ روپے تاوان کی خاطر اغوا کئے جانے والے غیرملکی سمیت دومغوی بحفاظت بازیاب کرالئے۔پولیس ترجمان کے مطابق اغوا برائے تاوان کے سنگین جرم میں ملوث گینگ کے آٹھ ملزمان کوگرفتار کرلیا۔ملزمان میں حمید اللہ،مجاہد لطیف،اسرار احمد،حسنات اسد، محمد اویس،چنا الدین،محمد بلال اور جمیل حیدر شامل۔اغواء کاروں کو تھانہ کرپا کے علاقے میں ایک کامیاب کارروائی کے دوران گرفتار کیا گیا۔ملزمان نے پولیس ٹیم پر فائرنگ بھی کی لیکن حفاظتی اقدامات کی بدولت پولیس ٹیم محفوظ رہی۔
ملزمان نے تھانہ کراچی کمپنی کی حدود سے اپنے آپ کو سرکاری ملازم ظاہر کر کے ایک غیر ملکی شہری سمیت دو افراد کو اغوا کیا تھا۔ملزمان کے خلاف تھانہ کرپا،آبپارہ،کراچی کمپنی اور آئی ایریا میں مقدمات درج ہیں۔گرفتار گینگ سے 16 موبائل فون،17 لیپ ٹاپ،38 لاکھ 50 ہزار روپے نقدی برآمدگینگ سے وارداتوں میں استعمال ہونے والا اسلحہ 4 ایس ایم جی گنز اور ایک پستول بھی برآمد۔ملزمان شہریوں کو پولیس ملازم بن کر اسلحے کی نوک پر لوٹتے اور اغوا کرتے تھے۔ملزمان کو ٹھوس شواہد کی روشنی میں چالان کر کے قرار واقعی سزا دلوائی جائے گی۔
Short Link: https://urdu.app.com.pk/urdu/?p=600239
