اسلام آباد ۔ 3 اگست (اے پی پی) پاکستان ہاکی فیڈریشن کے زیر اہتمام 29 ویں نیشنل ویمنز ہاکی چیمپئن شپ(کل) جمعہ 5 اگست کو نصیر بندہ ہاکی سٹیڈیم اسلام آباد میں کھیلی جائے گی۔ پاکستان ہاکی فیڈریشن کی جانب سے جاری کردہ تفصیلات کے مطابق ایونٹ میں پاکستان واپڈا‘ ریلوے ‘ آرمی ‘ ایچ ای سی ‘ پنجاب کلرز ‘ پنجاب وائٹس‘ سندھ کلرز ‘ سندھ وائٹس‘ خیبر پختونخوا ‘ بلوچستان اور اسلام آباد کی ٹیمیں شرکت کریں گی۔پاکستان واپڈا اپنے ٹائٹل کا دفاع کرے گی‘ ٹیمیوں کو دو گروپوں میں تقسیم کیا گیا ہے۔دونوں گروپوں سے دو ‘ دو ٹاپ ٹیمیں سیمی فائنلز کے لئے کوالیفائی کریں گی ‘ ایونٹ کا فائنل 12 اگست کو کھیلا جائے گا۔بہترین گول کیپر‘ بہترین کھلاڑی اور ٹاپ سکوررکو انعامات دیئے جائیں گے ۔
