انگلش پریمیئر لیگ،آرسنل،لیورپول،وولور ہیمپٹن اور چیلسی نے اپنے میچز جیت لئے

لندن۔21اپریل (اے پی پی):آرسنل نے انگلش پریمیئر لیگ کے ایک میچ میں شاندار کارکردگی کا مظاہرہ کرتے ہوئےایپسوچ ٹائون کو باآسانی 0-4گول سے ہرا دیا ،لیورپول نے لیسٹر سٹی کو 0-1 گول سے ہرا دیا اور وولور ہیمپٹن کی ٹیم نے مانچسٹر یونائیٹڈ کی ٹیم کو 0-1 گول سے ہرا دیا جبکہ چیلسی کی ٹیم نے فلہم کو ایک کے مقابلے میں 2 گول سے شکست دی۔ پریمیئر لیگ کے دلچسپ مقابلے انگلینڈ میں جاری ہیں۔

پورٹ مین روڈ، ایپسوچ ، انگلینڈ میں کھیلے گئے لیگ کے اہم میچ میں آرسنل اور ایپسوچ ٹائون کی ٹیمیں آمنے سامنے تھیں جس میں عمدہ کھیل کا مظاہرہ کرتے ہوئے آرسنل کی ٹیم نے ہوئےایپسوچ ٹائون کی ٹیم کو با آسانی 0-4 گول سے ہرا دیا۔لینڈرو ٹروسر نے دو جبکہ گیبریل مارٹینیلی اور ایتھن نوانیری نے ایک، ایک گول کر کے اپنی ٹیم آرسنل کی فتح میں اہم کردار ادا کیا۔کنگ پائور سٹیڈیم، لیسٹر میں کھیلے گئے میچ میں لیورپول اور لیسٹر سٹی کی ٹیمیں آمنے سامنے تھیں جس میں لیورپول نے سخت مقابلے کے بعد میزبان لیسٹر سٹی کی ٹیم کو 0-1 گول سے ہرا دیا۔

ٹرینٹ الیگزینڈر آرنلڈ نے واحد گول کر کے اپنی ٹیم کی فتح میں اہم کردار ادا کیا۔ اولڈ ٹریفورڈ ،مانچسٹر میں کھیلے گئے میچ میں وولور ہیمپٹن اور مانچسٹر یونائیٹڈ کی ٹیمیں آمنے سامنے تھیں جس میں وولور ہیمپٹن کی ٹیم نے میزبان مانچسٹر یونائیٹڈ کی ٹیم کو 0-1 گول سے ہرا دیا۔

پابلو سرابیا نے واحد گول کر کے اپنی ٹیم وولور ہیمپٹن کی فتح میں اہم کردارادا کیا۔کریون کاٹیج، لندن میں کھیلے گئے میچ میں چیلسی کی ٹیم نے عمدہ کھیل پیش کرتے ہوئے فلہم کی ٹیم کو ایک کے مقابلے میں 2 گول سے ہرا دیا۔ ٹائریک جارج اورپیڈرو نیٹو نے ایک، ایک گول کر کے اپنی ٹیم چیلسی کی فتح میں کردار ادا کیا۔

Short Link: https://urdu.app.com.pk/urdu/?p=584893