روم۔8مئی (اے پی پی):انگلینڈ کی نامور ٹینس سٹار ایما راڈوکانو اٹالین اوپن ٹینس ٹورنامنٹ میں خواتین کے سنگلز مقابلوں کا فاتحانہ آغاز کرتے ہوئے دوسرے رائونڈ میں پہنچ گئی ۔ 2021 کی یو ایس اوپن چیمپئن 22 سالہ برطانوی ٹینس سٹار ایما راڈوکانو نے خواتین کے سنگلز مقابلوں کے ابتدائی رائونڈ میں حریف آسٹریلوی ٹینس کھلاڑی مایا جوائنٹ کو شکست دی ۔
اٹالین اوپن ٹینس ٹورنامنٹ کے کانٹے دار مقابلوں کا سلسلہ اٹلی میں جاری ہے جس میں شائقین ٹینس کو انتہائی دلچسپ اور کانٹے دار مقابلے دیکھنے کو ملیں گے۔خواتین کے سنگلز مقابلوں کے ابتدائی رائونڈ میں 22 سالہ برطانوی نامور ٹینس سٹار ایما راڈو کانوی نے عمدہ کھیل پیش کرتے ہوئے حریف آسٹریلوی ٹینس کھلاڑی مایا جوائنٹ کو 5-7، 7-6(7-1) اور 3-6سے شکست دے کر نہ صرف ٹورنامنٹ کا فاتحانہ آغاز کیا بلکہ اگلے رائونڈ کے لئے کوالیفائی کرلیا،جہاں ان کا مقابلہ روس کی ٹینس کھلاڑی اکاترینا الیگزینڈروا سے ہوگا۔
Short Link: https://urdu.app.com.pk/urdu/?p=594352
