او جی ڈی سی ایل کے منافع میں 31 مارچ 2025 کو ختم ہونے والی سہ ماہی کے دوران 1.48 فیصد کمی

اسلام آباد۔2مئی (اے پی پی):آئل اینڈ گیس ڈویلپمنٹ کمپنی لمیٹڈ (او جی ڈی سی ایل)کے منافع میں 31 مارچ 2025 کو ختم ہونے والی سہ ماہی کے دوران 1.48 فیصد کمی ہوئی ہے۔ کمپنی مالیاتی نتائج کے مطابق جنوری تا مارچ 2025 کیلئے او جی ڈی سی ایل کا منافع 47.1 ارب روپے تک کم ہوگیا جبکہ سال 2024 کے اسی عرصہ کیلئے کمپنی کو 47.8 ارب روپےمنافع حاصل ہوا تھا ۔

اس طرح سال 2024 کی پہلی سہ ماہی کے مقابلہ میں رواں سال کے اسی عرصہ کے دوران او جی ڈی سی ایل کے منافع میں 0.7 ارب روپے یعنی 1.48 فیصد کمی ریکارڈ کی گئی ہے ۔

Short Link: https://urdu.app.com.pk/urdu/?p=591116