اسلام آباد۔15جنوری (اے پی پی):وفاقی وزیر اطلاعات و نشریات چوہدری فواد حسین نے کہا ہے کہ اوورسیز پاکستانیوں نے وزیراعظم عمران خان کی قیادت پر اعتماد کا اظہار کرتے ہوئے بیرون ملک سے ریکارڈ ترسیلات پاکستان بھیجیں۔
ہفتہ کو اپنے ایک ٹویٹ میں انہوں نے کہا کہ اوورسیز پاکستانیوں کا وزیراعظم عمران خان کی قیادت پر اعتماد کا اظہار جاری و ساری ہے۔ ایک بار پھر بیرون ملک سے ترسیلات کا ریکارڈ ٹوٹ گیا۔
ترسیلات میں 11.3 فیصد اضافہ ہوا۔ جولائی سے دسمبر چھ ماہ کے دوران 15.8 ارب ڈالر کی رقم اوورسیز پاکستانیوں نے پاکستان بھیجی۔
