38.2 C
Islamabad
پیر, مئی 19, 2025
ہومقومی خبریںاوگرا نے ستمبر 2023 کیلئےآر ایل این جی کی قیمتوں میں اضافہ...

اوگرا نے ستمبر 2023 کیلئےآر ایل این جی کی قیمتوں میں اضافہ کر دیا

- Advertisement -

اسلام آباد۔12ستمبر (اے پی پی):آئل اینڈ گیس ریگولیٹری اتھارٹی (اوگرا) نے وفاقی حکومت کی پالیسی گائیڈ لائنز کے مطابق سوئی کمپنیوں کی ستمبر 2023 کے لئے گیسفائیڈ لیکوئڈ نیچرل گیس (آر ایل این جی) کی قیمتوں کا تعین کر کے اضافہ کر دیا ہے جس کا اطلاق یکم ستمبر 2023 سے ہوگا ۔ ترجمان اوگرا عمران غزنوی کےجاری بیان کے مطابق آر ایل این جی کی قیمتوں میں اضافے کی وجہ بین الاقوامی مارکیٹ میں آر ایل این جی برینٹ کی قیمتوں میں اضافہ ہے۔

انہوں نے بتایا کہ سوئی ناردرن گیس پائپ لائن لمیٹڈ (ایس این جی پی ایل) کے صارفین کے لیے قیمتوں میں گزشتہ ماہ (اگست 2023) کے مقابلے میں آر ایل این جی کی قیمت میں 2.79 فیصد یا 0.3481 ڈالر فی ایم ایم بی ٹی یو اضافہ ہوا ہے جبکہ سوئی سدرن گیس کمپنی لمیٹڈ (ایس ایس جی سی ایل) صارفین کے لیے قیمتوں میں گزشتہ ماہ (اگست 2023) کے مقابلے میں میں 0.3987 ڈالر فی ایم ایم بی ٹی یو یا 3.08 فیصد اضافہ ہوا ہے۔

- Advertisement -

اوگرا نے منگل کو جاری اپنے نوٹیفکیشن میں ایس این جی پی ایل صارفین کے لیے آر ایل این جی کی اوسط فروخت کی قیمت 12.8366 ڈالر فی ایم ایم بی ٹی یو اور ایس ایس جی سی ایل صارفین کے لیے 13.3636 ڈالر فی ایم ایم بی ٹی یو مقرر کی ہے۔

ترجمان نے کہا کہ اگست کے مہینے کے لئے ریگولیٹر نے ایس این جی پی ایل صارفین کے لئے آر ایل این جی ڈسٹری بیوشن قیمت 12.4885 ڈالر / ایم ایم بی ٹی یو اور ایس ایس جی سی ایل صارفین کے لئے 12.9649 ڈالر / ایم ایم بی ٹی یو کے طور پر نوٹیفائی کی تھی۔آر ایل این جی قیمتوں کا نوٹیفکیشن اوگرا ویب سائٹ پر موجود ہے۔

 

Short Link: https://urdu.app.com.pk/urdu/?p=389710

- Advertisement -
متعلقہ خبریں
- Advertisment -

مقبول خبریں