آئندہ چوبیس گھنٹوں کے دوران کشمیر اور ملحقہ پہاڑی علاقوں میں چند مقامات پر تیز ہواؤں اور گرج چمک کے ساتھ بارش کا امکان

اسلام آباد۔21ستمبر (اے پی پی):آئندہ چوبیس گھنٹوں کے دوران کشمیر اور ملحقہ پہاڑی علاقوں میں چند مقامات پر تیز ہواؤں اور گرج چمک کے ساتھ بارش جبکہ ملک کے بیشترعلاقوں میں موسم گرم اورخشک رہنے کا امکان ہے۔

محکمہ موسمیات کے مطابق گزشتہ 24 گھنٹوں کے دوران ملک کے بیشتر علاقوں میں موسم گرم اورخشک رہا۔ہفتہ کو ریکارڈکئے گئے زیادہ سے زیادہ درجہ حرارت کی رپورٹ کے مطابق نوکنڈی میں 43، بھکر، دالبندین، خیرپور اوردادومیں 42 ڈگری سینٹی گریڈ ریکارڈ کیا گیا۔