آئندہ چوبیس گھنٹوں کے دوران گلگت بلتستان، بالائی خیبرپختونخوا، کشمیر اور ملحقہ پہاڑی علاقوں میں چند مقامات پر تیز ہواؤں اور گرج چمک کے ساتھ بارش کا امکان ، محکمہ موسمیات

اسلام آباد۔17مئی (اے پی پی):آئندہ چوبیس گھنٹوں کے دوران گلگت بلتستان، بالائی خیبرپختونخوا، کشمیر اور ملحقہ پہاڑی علاقوں میں چند مقامات پر تیز ہواؤں اور گرج چمک کے ساتھ بارش کا امکان ہے ، ملک کے بیشتر علاقوں میں موسم گرم اور خشک جبکہ میدانی علاقوں میں دن کے اوقات میں شدید گرم رہنے کی توقع ہے۔

محکمہ موسمیات کے مطابق گذشتہ 24 گھنٹوں کے دوران ملک کےبیشترعلاقوں میں موسم گرم اور خشک جبکہ میدانی علاقوں میں شدید گرم رہا تاہم کشمیر اور ملحقہ پہاڑی علاقوں میں چند مقامات پر گرج چمک کے ساتھ بارش ہوئی۔

سب سے زیادہ بارش راولاکوٹ میں 4 ملی میٹر جبکہ مری میں ہلکی بارش /بونداباندی ہوئی۔ہفتہ کو ریکارڈ کئے گئے زیادہ سےزیادہ درجہ حرارت کے مطابق دادو میں درجہ حرارت 48،رحیم یار خان،جیکب آباد ،47، ڈی جی خان،بھکر،بہاولنگر ،سبی، نوکنڈی ، موہنجوداڑو میں 46 ڈگری سینٹی گریڈ ریکارڈ کیا گیا۔

محکمہ موسمیات نے متنبہ کیا ہے کہ ملک کے بیشتر علاقےآئندہ دو تا تین روز کے دوران شدید گرمی کی لہر کے زیر اثر رہیں گے جس کے باعث: ملک کے بالائی علاقوں بشمول وسطی/بالائی پنجاب،اسلام آباد، خیبرپختونخوا، کشمیر، گلگت بلتستان میں دن کا درجہ حرارت معمول سے 5 سے 7 ڈگری سینٹی گریڈ جبکہ جنوبی علاقوں(سندھ ،جنوبی پنجاب اور بلوچستان) میں 4 سے 6 ڈگری سینٹی گریڈزیادہ رہنے کا امکان ہے۔ شہری ہیٹ ویو سے بچنے کیلئے احتیاطی تدابیر اختیار کریں۔

Short Link: https://urdu.app.com.pk/urdu/?p=598257