اسلام آباد۔27جون (اے پی پی):اسلام آباد الیکٹرک سپلائی کمپنی (آئیسکو) نےضروری مرمت اور معمول کے ترقیاتی کاموں کی وجہ سے (کل) جمعہ کے لئے لوڈشیڈنگ کا شیڈول جاری کر دیا۔
جمعرات کو آئیسکو ترجمان کی جانب سے جاری بیان کے مطابق اسلام آباد،راولپنڈی ،اٹک،چکوال اورجہلم سرکلز کے مختلف علاقوں کو بجلی سپلائی کر نے والے فیڈرز پر درج ذیل شیڈول کے مطابق بجلی کی سپلائی عارضی طور پر معطل رہے گی۔آئیسکو کے مطابق 28 جون کی صبح 6 بجے سے دن 11 بجے تک،راولپنڈی سٹی سرکل،سید پور روڈ،نون فیڈرز، راولپنڈی کینٹ سرکل،مورگاہ،پنڈی بورڈ،پارک ویو،کار چوک،
جیل پارک،فوجی فونڈیشن،سی بی آر۔II فیڈرز، اٹک سرکل،مسلم ٹائون فیڈر اور گردونواح بند رہیں گے۔مزید برآں 28 جون تایکم جولائی تک، صبح 5 بجے سے دن 11 بجے تک،30سے40میگا واٹ کی لوڈ مینجمنٹ ضرورت پڑنے پر132KVسوہان اور بکرا منڈی گرڈ اسٹیشن پر کی جا سکتی ہے اور 28 جون سے 18 جولائی تک صبح 8 بجے سے شام 6 بجے تک132KVچھتر پری،نیو سٹی میر پور،میر پور،اسلام گڑھ،چکسواری اور ڈھڈیال گرڈ اسٹیشن پر نارمل کنڈیشن میں 20 میگا واٹ اور ہنگامی حالت میں 50میگا واٹ کی لوڈ مینجمنٹ کی جا سکتی ہے۔
آئیسکو انتظامیہ اپنے صارفین سے بجلی کی بندش پر معذرت خواہ ہے۔ وقت سے قبل کام مکمل ہونے کی صورت میں بجلی کی سپلائی مقررہ شیڈول سے پہلے بھی بحال کی جاسکتی ہے اورگردونواح کی بجلی بند رہے گی۔
