ایبٹ آباد،ریسکیو 1122 نے ہفتہ وار کارکردگی رپورٹ جاری کر دی

ایبٹ آباد۔ 21 اپریل (اے پی پی):ریسکیو 1122 ایبٹ آباد نے ہفتہ وار کارکردگی رپورٹ جاری کر دی ہے۔ڈسٹرکٹ ایمرجنسی آفیسر ریسکیو 1122 ایبٹ آباد جان محمد آفریدی نے ہفتہ وار کرگردگی رپورٹ جاری کرتے ہوئے بتایا کہ ریسکیو کنٹرول روم کو گزشتہ ہفتے 7680 کالز موصول ہوئیں جن میں سے 102 ایمرجنسی کالز شامل تھیں جن کے نتیجے میں87 متاثرہ افراد کو ریسکیو کیا گیا

گزشتہ ہفتے کے دوران ریسکیو ٹیموں نے 05 ٹریفک حادثات،83 میڈیکل ایمرجنسیز،05 آگ لگنے جبکہ 09 متفرق واقعات میں خدمات فراہم کیں،ہسپتال سے ہسپتال منتقلی سروس کے تحت 42 مریضوں کو بہتر طبی سہولتوں کے حصول کے لیے مختلف ہسپتالوں میں منتقل کیا گیا۔

Short Link: https://urdu.app.com.pk/urdu/?p=585298