اسلام آباد۔4ستمبر (اے پی پی):وفاقی وزیر خزانہ مفتاح اسماعیل نے کہا ہے کہ ایدھی فائونڈیشن کا کوئی امدادی سامان کسٹم میں نہیں پھنسا ہے، سوشل میڈیا پر زیر بحث امپورٹڈ ریسکیو بوٹ پر ادا کی جانے والی ڈیوٹی کا معاملہ 2020کا ہے جس کی فیصل ایدھی نے تصدیق کی ہے۔
اتوار کو اپنے ایک ٹویٹ میں وزیر خزانہ مفتاح اسماعیل نے کہا کہ ابھی فیصل ایدھی سے بات ہوئی ہے، ان کا کہنا ہے کہ ایدھی کا کوئی امدادی سامان کسٹم میں نہیں پھنسا ہے۔ سوشل میڈیا پر زیر بحث امپورٹڈ ریسکیو بوٹ پر ادا کی جانے والی ڈیوٹی کے بارے میں استفسار پر فیصل ایدھی نے تصدیق کی کہ یہ معاملہ2020 کا ہے۔
