ایل پی جی کے گھریلو سلنڈر کی قیمت میں کمی

اسلام آباد۔30اپریل (اے پی پی):ایل پی جی کے گھریلو سلنڈر کی قیمت میں کمی کردی گئی۔ بدھ کو آئل اینڈ گیس ریگولیٹری اتھارٹی (اوگرا) کی طرف سے جاری نوٹیفکیشن کے مطابق ایل پی جی کا گھریلو سلنڈر 37 روپے80 پیسے سستا کر دیا گیا ہے، ایل پی جی کی نئی قیمت کا اطلاق یکم مئی سے ہوگا۔ نوٹیفکیشن کے مطابق 11.8 کلوگرام کے ایل پی جی سلنڈر کی نئی قیمت 2 ہزار 892 روپے اور 91 پیسے مقرر کی گئی ہے اور ایل پی جی کی فی کلو قیمت 3 روپے 20 پیسے کمی کے بعد 245 روپے 16 پیسے ہو گی۔

Short Link: https://urdu.app.com.pk/urdu/?p=590476