ایوان بالا کا اجلاس، سانحہ خضدار میں شہید ہونے والے بچوں کو خراجِ عقیدت پیش کیا گیا

اسلام آباد۔22مئی (اے پی پی):ایوان بالا کے اجلاس میں جمعرات کو سانحہ خضدار میں شہید ہونے والے معصوم بچوں کو خراجِ عقیدت پیش کیا گیا۔ ایوان میں سینیٹر شہادت اعوان نے شہدا کے درجات کی بلندی، لواحقین کیلئے صبر اور زخمیوں کی جلد صحتیابی کے لئے خصوصی دعا کروائی۔

ایوان بالا نے اس افسوسناک سانحے پر گہرے دکھ اور رنج کا اظہار کرتے ہوئے متاثرہ خاندانوں سے مکمل یکجہتی کا اظہار کیا۔ اراکینِ سینیٹ نے اس واقعے کی شدید مذمت کرتے ہوئے اسے ایک قومی سانحہ قرار دیا اور مطالبہ کیا کہ ذمہ داروں کو جلد انصاف کے کٹہرے میں لایا جائے۔

Short Link: https://urdu.app.com.pk/urdu/?p=600019