فیصل آباد ۔ 30 اگست (اے پی پی):حکومت پنجاب کی خصوصی ہدایات کی روشنی میں حکومت نے غذائی ضروریات پوری کرنے کیلئے بائیو ٹیکنالوجی سے بھر پور استفادہ کرنے کا فیصلہ کیا ہے جس سے گندم، کپاس، چاول، مکئی، گنے اور دیگر فصلات کی پیداور میں 20 سے30 فیصد تک اضافہ ممکن بنایا جا سکتا ہے۔
ڈویژنل ڈائریکٹرایگری کلچر ایکسٹینشن محکمہ زراعت فیصل آباد چوہدری عبدالحمید نے اے پی پی کو بتایا کہ جدید طریقے سے آبادی کی بڑھتی ہوئی شرح کے مطابق جہاں بہتر پیداوار حاصل کرنے میں مدد ملے گی وہیں اضافی پیداوار برآمد کر کے قیمتی زرمبادلہ بھی کمایا جا سکے گا۔
انہوں نے بتایا کہ اس ٹیکنالوجی پر وسیع پیمانے پر عملدرآمد کا منصوبہ بنایاگیا ہے جس میں قومی کمیشن برائے بائیو ٹیکنالوجی کی بھی معاونت حاصل کی جائیگی۔انہوں نے بتایاکہ دنیا میں روز بروز غذائی ضروریات بڑھتی جا رہی ہیں اور توقع ہے کہ اگلے سال2024کے اختتام تک دنیا کے48 بڑے زرعی ممالک میں 45 ملین کسان 4 سو ملین ایکڑ رقبہ پر بائیو ٹیک فصلیں کاشت کریں گے۔ انہوں نے بتایا کہ پاکستان میں بائیو ٹیک کی شرح میں اضافہ انتہائی مفید اثرات کا حامل ہو گا۔
Short Link: https://urdu.app.com.pk/urdu/?p=384169
