میڈرڈ۔25فروری (اے پی پی):سپینش فٹ بال لیگ لالیگا پوائنٹس ٹیبل پربارسلونا کی ٹیم کی نے ریال میڈرڈ سے دوبارہ پہلی پوزیشن چھین لی ہے ریال میڈرڈ کی ٹیم دوسرے جبکہ ایٹلیٹیکو میڈرڈ کی ٹیم تیسرے نمبرپر چلی گئی ہے۔ سپینش لیگ لالیگا کے 94 ویں سیزن کے انتہائی دلچسپ اور کانٹے دار مقابلوں کا سلسلہ سپین میں جاری ہے۔ اس ایونٹ کو لالیگا ای اے سپورٹس کے نام سے بھی جانا جاتا ہے ۔ سپینش فٹ بال لیگ لالیگاکا 94 ویں سیزن کا آغاز 15 اگست 2024 کو ہوا اور 25 مئی 2025 کو اختتام پذیر ہوگا۔
ریال میڈرڈ دفاعی چیمپئن ہے، جس نے گزشتہ سیزن میں اپنا 36 واں ٹائٹل جیتا تھا۔ اب تک کھیلے گئے لیگ میچز کے بعد بارسلونا کی ٹیم 17 میچز جیت کر 54 پوائنٹس کے ساتھ ٹیبل پر ٹاپ پوزیشن پر براجمان ہے۔ دفاعی چیمپئن ریال میڈرڈ کی ٹیم بھی اب تک 25 میچز کھیل چکی ہے جن میں اس نے 16 میچز جیتے ہیں اور وہ 54 پوائنٹس کے ساتھ ایک درجہ تنزلی کے بعد ٹیبل پر دوسرے نمبر پر چلی گئی ہے۔ایٹلیٹیکو میڈرڈ کی ٹیم کی بھی ایک درجہ تنزلی ہوئی ہے اور وہ 53 پوائنٹس کے ساتھ دوسرے سے تیسرے نمبر پر چلی گئی ہے۔ ایتھلیٹک کلب کی ٹیم بھی 25 میچز کھیل چکی ہے جن میں سے اس کو 13 میچز میں فتح نصیب ہوئی اور وہ 48 پوائنٹس کے ساتھ ٹیبل پر چوتھے نمبر پر ہے۔
ویلریال کی ٹیم کے 44 پوائنٹس ہیں اور وہ پانچویں نمبر پر ہے۔ ریو ویلیکانو کی ٹیم ٹیبل پر چھٹے نمبر پر ہے اور ریو ویلیکانو کے 25 میچز کے بعد 35 پوائنٹس ہیں،اسی طرح ریال بیٹس اور میلورکا کی ٹیموں کے بھی 35،35 مساوی پوائنٹس ہیں اور وہ بالترتیب ساتویں اور آٹھویں نمبر پر ہیں ۔
ریال سوسی ڈیڈکے 34 پوائنٹس ہیں اور وہ ٹیبل پر نویں نمبر پر ہے۔سیلٹا ویگو کی ٹیم بھی 25 میچز کھیل چکی ہے اور 9 فتوحات کے ساتھ ٹیبل پر دسویں نمبر پر ہے۔ ریال ویلاڈولڈکی ٹیم نے بھی 25 میچز کھیل لئے ہیں جن میں اس کو صرف 4 میچز میں فتح حاصل ہوئی ہے اور وہ 15 پوائنٹس کے ساتھ سب سے نیچے 20 ویں نمبر پر ہیں۔
Short Link: https://urdu.app.com.pk/urdu/?p=565918
