کوئٹہ۔ 28 اپریل (اے پی پی):کنٹرولر امتحانات بلوچستان بورڈ پروفیسر عابدہ کاکڑ نے کہا ہے کہ انٹرمیڈیٹ کے سالانہ امتحانات میں بلوچستان بھر سے ایک لاکھ سے زائد طلباء و طالبات حصہ لیں گے جس کے لیے صوبے میں 252 امتحانی مراکز قائم کیے گئے ہیں ۔اس ضمن میں بلوچستان بورڈ آف انٹرمیڈیٹ اینڈ سیکنڈری ایجوکیشن نے صوبے میں انٹرمیڈیٹ کے سالانہ امتحانات کی نئی ڈیٹ شیٹ جاری کردی ہے۔
کنٹرولر امتحانات بلوچستان بورڈ پروفیسر عابدہ کاکڑ کی جانب سے نئی ڈیٹ شیٹ کے مطابق بورڈ کے تحت انٹرمیڈیٹ کے سالانہ امتحانات 2 مئی سے شروع ہو کر 29 مئی تک جاری رہیں گے۔اس سے قبل بلوچستان بورڈ کے تحت انٹرمیڈیٹ کے امتحانات 22 اپریل کو شروع ہونا تھے جو کہ چند ناگزیر وجوہات کی بناء پر ملتوی کردیے گئے تھے۔
انٹرمیڈیٹ کے سالانہ امتحانات میں بلوچستان بھر سے ایک لاکھ سے زائد طلباء و طالبات حصہ لیں گے جس کے لیے صوبے میں 252 امتحانی مراکز قائم کیے گئے ہیں جبکہ نقل کی روک تھام کے لیے خصوصی انسپکشن ٹیمیں تشکیل دی گئی ہے جو بلوچستان بھر میں امتحان کی نگرانی کے لیے خصوصی دورے کرکے طلباء وطالبات کو نقل سے روکنے سمیت انکو سہولیات کی فراہمی کا جائزہ لینگے۔
Short Link: https://urdu.app.com.pk/urdu/?p=588927
