بنگلادیشی کرکٹر محمود اللہ کا بین الاقوامی کرکٹ سے ریٹائرمنٹ کا اعلان

ڈھاکہ۔13مارچ (اے پی پی):بنگلا دیش کی مردوں کی کرکٹ ٹیم کے مایہ ناز آل رائونڈر محمود اللہ نے بین الاقوامی کرکٹ سے ریٹائرمنٹ کا اعلان کر دیا۔39 سالہ محمود اللہ جو حال ہی میں آئی سی سی چیمپئنز ٹرافی میں بنگلا دیشی سکواڈ کا حصہ تھے ۔محمود اللہ نے اپنی ریٹائرمنٹ کا اعلان سوشل میڈیا پر کیا۔اپنے ریٹائرمنٹ کے پیغام میں محمود اللہ نے کہا کہ میں اپنے تمام ساتھی کھلاڑیوں، کوچز، مداحوں اور اہلخانہ کا شکریہ ادا کیا جنہوں نے ان کے کیریئر کے دوران ان کا ساتھ دیا۔

میرے والدین، میرے سسرال خاص طور پر میرے سسر اور سب سے اہم میرے بھائی عماد اللہ کا بہت شکریہ جو میرے بچپن سے میرے کوچ اور سرپرست کے طور پر مسلسل میرے ساتھ رہے ہیں۔انہوں نے لکھا کہ میں نے انٹرنیشنل کرکٹ سے ریٹائرمنٹ لینے کا فیصلہ کیا ہے۔انہوں نے بنگلا دیش کرکٹ کے لیے نیک خواہشات کا اظہار بھی کیا۔ محمود اللہ نے 2007 میں اپنے انٹرنیشنل کیریئر کا آغاز کیا۔

محمود اللہ کو 50 ٹیسٹ، 239 ایک روزہ اور 141 ٹی ٹونٹی میچز میں بنگلا دیش کی نمائندگی کا اعزاز حاصل ہے۔محموداللہ نے تمام فارمیٹس میں مجموعی طور پر 11 ہزار سے زائد رنز سکور کیے، جن میں 9 سنچریاں اور 56 نصف سنچریاں شامل ہیں، جبکہ انہوں نے 166 وکٹیں بھی حاصل کیں۔

Short Link: https://urdu.app.com.pk/urdu/?p=571864