بنگلہ دیش اور زمبابوے کی ٹیموں کے درمیان پہلا ٹیسٹ میچ (ہفتہ سے) شروع ہوگا

چٹاگانگ ۔یکم نومبر (اے پی پی) بنگلہ دیش اور زمبابوے کی ٹیموں کے درمیان دو ٹیسٹ میچوں پر مشتمل سیریز کا پہلا میچ ہفتہ سے سلہٹ میں شروع ہوگا۔ اس سے قبل بنگلہ دیش کرکٹ بورڈ الیون اور زمبابوے کی کرکٹ ٹیموں کے درمیان کھیلا گیا تین روزہ ٹور میچ ہار جیت کے فیصلے کے بغیر ختم ہو گیا تھا۔ زمبابوین ٹیم طویل عرصے سے شکستوں کے بھنور میں پھنسی ہوئی ہے۔ ون ڈے سیریز میں عبرتناک شکست کے بعد زمبابوین ٹیم کو اب ٹیسٹ سیریز میں بنگلہ دیش کا چیلنج درپیش ہے ۔ دونوں ٹیموں کے درمیان دو ٹیسٹ میچوں پر مشتمل سیریز کا دوسرا اور آخری ٹیسٹ 11 سے 15 نومبر تک ڈھاکہ میں کھیلا جائے گا۔

Short Link: https://urdu.app.com.pk/urdu/?p=120257