بولان۔ 14 مارچ (اے پی پی):کچھی کے غیور عوام کے ساتھ ہمیشہ محبت و اخلاص کا رشتہ رہا ہے ان کے دکھ درد کو اپنا سمجھتا ہوں صحافت مقدس پیشہ ہے ،صحافیوں نے ہمیشہ علاقائی مسائل کو ایوانوں میں اجاگر کیا ہے، ان خیالات کا اظہار صوبائی وزیر بورڈ آف ریونیو میر عاصم کرد گیلو نے پنے آفس سول سیکرٹریٹ میں صحافیوں سے ملاقات کے دوران کیا۔ اس موقع پر ڈھاڈر پریس کلب کے صحافیوں نے صوبائی وزیر کو ڈھاڈر پریس کلب کی نئی بلڈنگ کی پی سی ون کی کاپی پیش کی۔
صوبائی وزیر برائے بورڈ آف ریونیو میر عاصم کرد گیلو نے وفد سے گفتگو کرتے ہوئے کہا کہ ضلع کچھی میں بہت سے پوشیدہ مسائل و ظاہری مسائل کو ڈھاڈر پریس کلب کے صحافیوں نے نشاندہی کرکے اجاگر کیا ہے اور ہر دور میں ببانگ دہل غیر جانبدرانہ صحافت کو فروغ دیکر عوام کے مسائل کو اقتدار کے ایوانوں تک پہنچانے میں پل کا کردار ادا کیا ،انہوں نے کہا ہے کہ ضلع کچھی کے عوام کی خدمت کو اپنا شعار سمجھتا ہوں اور میرا سیاسی ایجنڈا بھی یہی ہے کہ میں کچھی کے عوام کی بلارنگ و نسل خدمت کرتا رہوں گا انہوں نے کہا کہ کچھی کے غیور عوام نے ہمیشہ مجھ پر اعتماد کرکے منتخب کیا کبھی بھی انکے حقوق کا سودا نہیں کیا ہمیشہ علاقائی عوامی مسائل کے حل کیلئے اسمبلی کے فلور پر عوام کے حقوق کا دفاع کیا۔انہوں نے کہا ہے کہ ماضی بعید و قریب کی طرح اس مرتبہ بھی کچھی کے مساٸل کو ہر ممکن حل کرنے کی کوشش کرتا رہا ہوں کچھی کے عوام اب باشعور ہوچکی ہے انہیں اپنا سیاسی حقیقی نمائندہ چننے کا پورا پورا حق ہے اور اسی حق کی ادائیگی کیلئے آج میں اسمبلی میں موجود ہوں ۔
انہوں نے کہا ہے کہ ہم نے ہمیشہ غریب اور نچلے طبقے کو اولین ترجیح دے کر میرٹ کو فوقیت دی ہے اور کسی کی حق تلفی نہیں کی انہوں میری سیاسی بلندیوں میں غریب عوام کی سپورٹ اور دعائیں شامل ہیں انہوں نے کہا کہ میرے دروازے ہمیشہ کچھی کے عوام کیلئے کھلے ہیں ہم کچھی کے عوام کے خادم ہیں اور کچھی کی خدمت کو عبادت کی طرح کرتا رہوں گا۔
Short Link: https://urdu.app.com.pk/urdu/?p=572631
