بٹیر کا گوشت انتہائی پسندیدہ انسانی خوراک ہے،بٹیر فارمنگ کے ذریعے بھاری مالی منافع کمایاجا سکتاہے، ماہرین جنگلی حیات

فیصل ۱ٓباد۔ 14 اپریل (اے پی پی):بٹیر کا گوشت انتہائی پسندیدہ ولذیزانسانی خوراک ہے جوزود ہضم ہونے کے علاوہ غذائی اعتبار سے بھی بہترین ہے یہی وجہ ہے کہ وقت گزرنے کے ساتھ ساتھ بٹیرو ں کی کھپت اور مانگ میں روز بروز اضافہ ہوتا جا رہاہے لہٰذا کاروباری نقطہ نظر سے بٹیر فارمنگ کے روشن امکانات موجود ہیں اس لئے بٹیر فارمنگ کے ذریعے بھاری مالی منافع حاصل کیا جا سکتاہے۔

جامعہ زرعیہ فیصل ۱ٓباد کے ماہرین جنگلی حیات نے بتایاکہ پاکستان میں بٹیر کی بے شمار نسلیں پائی جاتی ہیں جن میں شالمی، گولڈن، سیاہ، سفید گوب، پہاڑی وڑھ، دیسی، چھاتی والا، کوٹرنکس وغیرہ شامل ہیں۔ انہوں نے بتایاکہ بٹیر کی نسل بڑی تیزی سے بڑھتی ہے اور 5سے6ہفتوں میں یہ بٹیر کھانے کے قابل ہو جاتے ہیں۔ انہوں نے بتایاکہ کوٹرنکس کی مختلف نسلوں کی مادہ بٹیر 7سے8ہفتے بعد انڈے دینا شروع کر دیتی ہے اور یہ ایک سال میں 300سے 350 تک انڈے دیتی ہے۔

انہوں نے بتایاکہ بٹیر چوزوں کا پہلے ہفتے خاص خیال رکھا جانا چاہیے اور درجہ حرارت کا خاص خیال رکھنا چاہیے تاکہ چوزوں کو مرنے سے بچایا جا سکے۔ انہوں نے بتایاکہ اس ضمن میں مزید معلومات ماہرین جنگلی حیات سے حاصل کی جاسکتی ہیں۔

Short Link: https://urdu.app.com.pk/urdu/?p=581598