گوہاٹی۔2 مارچ (اے پی پی) بھارت اور انگلینڈ کی ویمن ٹیموں کے درمیان تین ٹی ٹونٹی انٹرنیشنل کرکٹ میچوں پر مشتمل سیریز کا پہلا میچ (کل) پیر کو گوہاٹی میں کھیلا جائے گا۔ اس سے قبل دونوں ٹیموں کے درمیان کھیلی گئی تین ایک روزہ بین الاقوامی میچوں کی سیریز میں بھارتی ٹیم نے انگلینڈ ویمن ٹیم کو 2-1 سے شکست دی تھی۔ بھارت نے پہلے ون ڈے میچ میں انگلینڈ کو 66 رنز سے شکست دی تھی، دوسرے میچ میں میزبان ٹیم نے مہمان ٹیم کو 7 وکٹون سے شکست دیکر سیریز میں 2-0 کی فیصلہ کن برتری حاصل کی جبکہ تیسرے میچ میں انگلینڈ کی ویمن ٹیم نے بھارت کو 2 وکٹوں سے شکست دی تھی۔ دونوں ٹیموں کے درمیان تین ٹی ٹونٹی میچوں کی سیریز کا دوسرا میچ 7 مارچ کو کھیلا جائے گا جبکہ تیسرا اور آخری ٹی ٹونٹی میچ 9 مارچ کو کھیلا جائے گا۔
