کولمبو۔28اپریل (اے پی پی):بھارت اور جنوبی افریقا کی خواتین کرکٹ ٹیموں کے درمیان سہ ملکی سیریز کا دوسرا میچ کل (منگل کو) کھیلا جائے گا۔ یہ میچ آرپریماداسا سٹیڈیم، کولمبو میں کھیلا جائے گا اور صبح 9 بجکر 30 منٹ پر شروع ہوگا۔سہ ملکی سیریز میں میزبان سیر لنکا ،بھارت اور جنوبی افریقا کی خواتین ٹیمیں پنجہ آزما ہیں ۔ سہ ملکی سیریز کا پہلا میچ بھارت نے میزبان سری لنکن خواتین ٹیم سے 9 وکٹو ں سے جیت لیا تھا۔
سہ ملکی سیریز کا دوسرا میچ جنوبی افریقا اور بھارت کی خواتین ٹیموں کے درمیان 29 اپریل کو آر پریما داسا سٹیڈیم،کولمبو میں کھیلا جائے گا۔ تیسرا میچ یکم مئی کو سری لنکا اور جنوبی افریقا کی ٹیموں کے درمیان کھیلا جائے گا،چوتھا میچ 4 مئی کو سری لنکا اور بھارت کی ویمنز ٹیموں کے درمیان کھیلا جائے گا،پانچواں میچ 7مئی کو جنوبی افریقا اور بھارت کی ویمنز ٹیموں کے درمیان کھیلا جائے گا،چھٹا میچ 9 مئی کو میزبان سری لنکا اور جنوبی افریقا کی ویمنز ٹیموں کے درمیان کھیلا جائے گا جبکہ تین ملکی سیریز کا فائنل میچ 11 مئی کو کھیلا جائے گا۔
سہ ملکی سیریز میں ہر ٹیم ایک دوسرے کے خلاف چار ،چارمیچز کھیلے گی جس میں سرفہرست دو ٹیمیں فائنل کے لیے کوالیفائی کریں گی۔تین ملکی سیریز کے فائنل سمیت تمام میچز آر پریما داسا سٹیڈیم،کولمبو میں کھیلے جائیں گے اور صبح 9 بجکر 30 منٹ پر شروع ہوں گے ۔
Short Link: https://urdu.app.com.pk/urdu/?p=588630