بھارت نے آسٹریلیا کو تیسرے ٹیسٹ میچ میں 137 رنز سے ہرا دیا

میلبورن۔ 30 دسمبر(اے پی پی)بھارت نے آسٹریلیا کو تیسرے کرکٹ ٹیسٹ میچ میں 137 رنز سے شکست دے کر چار میچوں کی سیریز میں 2-1 کی برتری حاصل کر لی، آسٹریلوی ٹیم میچ کے پانچویں اور آخری روز 399 رنز کے ہدف کے تعاقب میں اپنی دوسری اننگز میں 261 رنز بنا کر آئوٹ ہو گئی، پیٹ کمنز کی 63 رنز کی عمدہ اننگز بھی ٹیم کے کام نہ آئی، بمرا نے میچ میں 9 وکٹیں لیکر ٹیم کی جیت میں اہم کردار ادا کیا اور میچ کے بہترین کھلاڑی قرار پائے۔ اتوار کو میلبورن ٹیسٹ کے پانچویں اور آخری روز آسٹریلوی ٹیم نے 258 رنز 8 کھلاڑی آئوٹ پر دوسری اننگز دوبارہ شروع کی تو اسے کامیابی کیلئے مزید 141 رنز درکار تھے لیکن میزبان ٹیم گزشتہ دن کی اننگز کے سکور میں صرف 3 رنز کا اضافہ کرنے کے بعد 261 رنز بنا کر پویلین لوٹ گئی

Short Link: https://urdu.app.com.pk/urdu/?p=128171