لاہور۔16مئی (اے پی پی):پنجاب انفارمیشن ٹیکنالوجی بورڈ کے زیر اہتمام یومِ تشکر کی پروقار تقریب ارفع کریم ٹاور میں منعقد ہوئی۔ تقریب کی صدارت چیئرمین پی آئی ٹی بی فیصل یوسف نے کی، جس میں بورڈ کے سینئر افسران اور عملے کی بڑی تعداد شریک ہوئی۔
تقریب میں ڈی جی ساجد لطیف، وقار قریشی، اے ڈی جی قاسم افضال، نثار احمد، کاشف فاروق خرم مشتاق عمرسلمان حماد احمدانی سی ایف او نادیہ ریاض سی ٹی او عادل اقبال سی آئی ایس او سجاد غنی ڈائریکٹر ارتضی حشمت عدیل سرورحسنین اقبال عطاالرحمن سمیت دیگر افسران بھی شریک ہوئے۔ اس موقع پر چیئرمین فیصل یوسف نے کہا کہ پاک افواج نے بھرپور جذبے کیساتھ دشمن کی سازشوں کو ناکام بنایا، بھارت کو عبرتناک شکست ہوئی۔
انہوں نے کہا کہ قوم اپنی بہادر افواج پر فخر کرتی ہے جس نے دشمن کی کمر توڑ دی اور ملک پر آنچ نہ آنے دی۔تقریب میں وطن عزیز کے شہدا کو خراج عقیدت پیش کرنے کے لیے فاتحہ خوانی کی گئی اور ملک و قوم کے استحکام و سلامتی کیلئے خصوصی دعائیں کی گئیں۔
Short Link: https://urdu.app.com.pk/urdu/?p=597884
