کوپن ہیگن۔23اگست (اے پی پی): بھارتی نامور بیڈمنٹن سٹار اور سابق چیمپئن پسرلا وینکٹا سندھو بی ڈبلیو ایف ورلڈ بیڈ منٹن چیمپئن شپ میں خواتین کے سنگلز مقابلوں کے دوسرے رائونڈ میں ہار کر باہر ہوگئیں۔
پسرلا وینکٹا سندھو کو ویمنز سنگلز کے دوسرے رائونڈ میں جاپان کی 28 سالہ نوزومی اوکوہارا نے شکست دے کر ٹاپ 16 رائونڈ کے لئے کوالیفائی کرلیا۔ بی ڈبلیو ایف ورلڈ بیڈ منٹن چیمپئن شپ کے کانٹے دار مقابلے ڈنمارک کے دارالحکومت کوپن ہیگن میں جاری ہیں ۔
کوپن ہیگن کے رائل ارینا میں کھیلے گئے خواتین کے سنگلز مقابلوں کے دوسرے رائونڈ میں جاپان کی نوزومی اوکوہارا نے انتہائی شاندار کارکردگی کا مظاہرہ کرتے ہوئے بھارتی نامور بیڈمنٹن سٹار اور سابق چمپئن پی وی سندھو کو سٹریٹ سیٹس میں 14-21 اور 14-21 سے ہرا کر نہ صرف میگا ایونٹ سے باہر کر دیا بلکہ پری کوارٹر فائنل کے لئے بھی کوالیفائی کرلیا۔ جاپانی فاتح کھلاڑی کا چیمپئن شپ کے پری کوارٹر فائنل میں مقابلہ ریٹچانوک انٹانن سے ہوگا۔
Short Link: https://urdu.app.com.pk/urdu/?p=381707
