ترکیہ کیلئے مزید خیمے چوتھی خصوصی پرواز کے ذریعے روانہ کر دیئے گئے،ترجمان این ڈی ایم اے

اسلام آباد۔13مارچ (اے پی پی):ترکیہ کیلئے مزید خیمے چوتھی خصوصی پرواز کے ذریعے روانہ کر دیئے گئے۔ ترجمان این ڈی ایم اے کے مطابق وزیراعظم پاکستان کی ہدایت پر این ڈی ایم اے نے ترکیہ کیلئے مزید امدادی کھیپ روانہ کر دی ہے،امدادی سامان میں 1200 موسم سرما کے رہائشی خیمے شامل ہیں۔ 90 ٹن امدادی سامان لے کر جانے والا یہ چوتھا جہاز ہے۔

پرواز کے ساتھ سابقہ ممبر صوبائی اسمبلی رانا مشہود احمد اور ایک صحافی بھی روانہ ہوئے۔ اب تک ان چار پروازوں پر 360 ٹن لوڈ کے4800 خیمے بھیجے جا چکے ہیں۔ این ڈی ایم اے کی جانب سے یہ خصوصی فلائٹ آپریشن ہفتہ 11 مارچ سے شروع کیا گیا، یہ آپریشن 34 سے زائد پروازوں پر مشتمل ہے۔این ڈی ایم اے دو سول بحری جہازوں کے ذریعے مزید امداد بھی جلد بھیجے گا۔

Short Link: https://urdu.app.com.pk/urdu/?p=355405