اسلام آباد۔20جنوری (اے پی پی):پاکستان ٹیلی کمیونیکیشن اتھارٹی کے ترجمان نے کہا ہے کہ تکنیکی خرابی کو دور کر کے ملک بھر میں انٹر نیٹ مکمل طور پر بحال کر دیا گیا ہے ۔
ترجمان نے پی ٹی اے کی آفیشل سماجی رابطے کی ویب سائٹ ایکس پر جاری بیان میں کہا ہے کہ عوام الناس کو مطلع کیا جاتا ہے کہ کچھ دیر پہلے انٹر نیٹ میں جو تعطل آیا اس کی وجہ تکنیکی خرابی تھی ۔
ترجمان نے کہاکہ اس تکنیکی خرابی کو درست کر کے ملک بھر میں انٹرنیٹ کو مکمل طور پر بحال کر دیا گیا ہے ۔
