جوہری پروگرام پر مذاکرات کے لیے جرمنی ، فرانس اور برطانیہ جانے کو تیار ہیں، ایران

تہران ۔25اپریل (اے پی پی):ایران کے وزیر خارجہ عباس عراقچی نے کہا ہے کہ ایران جوہری پروگرام پر مذاکرات کے لیے جرمنی ، فرانس اور برطانیہ جانے کو تیار ہے۔العربیہ اردو کے مطابق انہوں نے ایکس پر پوسٹ میں کہا کہ میں نے حال ہی میں روس اور چین کے ساتھ مشورے کیے ہیں۔

اس مشورے کے بعد میں تیار ہوں کہ ہمیں جوہری ایشوز پر مذاکرات کے پہلے مرحلے میں برلن، لندن جانا پڑا تو جائیں گے۔ انہوں نے کہا کہ نہ صرف جوہری ایشو پر مذاکرات کے لیے تیار ہیں بلکہ باہمی دلچسپی کے امور پر بھی بات چیت کے لیے تیار ہیں۔یاد رہے کہ ایران نے رواں ماہ کے دوران امریکا کے ساتھ جوہری پروگرام کے حوالے سے مذاکرات کا آغاز کیا ہے۔

ان مذاکرات کے اب تک دو دور ہو چکے ہیں۔ پہلا دور مسقط میں ہوا اور دوسرا دور روم میں منعقد کیا گیا۔ اب ہفتے کو اومانی دارالحکومت میں ان مذاکرات کا تیسرا دور ہونے جارہا ہے۔

Short Link: https://urdu.app.com.pk/urdu/?p=587427