حضرت امیر خسرو کے سالانہ عرس کی تقریبات میں شرکت کے لیے 188 پاکستانی زائرین (کل) لاہور سے بھارت روانہ ہونگے

اسلام آباد۔11اپریل (اے پی پی):حضرت امیر خسرو کے سالانہ عرس کی تقریبات میں شرکت کے لیے 188 پاکستانی زائرین (کل) لاہور سے بھارت روانہ ہونگے۔ وزارت مذہبی امور کے ترجمان کے مطابق بھارت نے حضرت امیر خسرو کے سالانہ عرس کی تقریبات میں شرکت کے لیے 188 پاکستانی زائرین کو ویزے جاری کر دیئے ہیں ۔

وزارت کے شعبہ زیارت نے زائرین کو ضروری تربیت اور سفری دستاویزات کے حصول کے لیے جمعہ کو لاہور پہنچنے کا کہا ہے۔ پاکستانی زائرین نے ماضی کے برعکس ویزوں کے بروقت اجراء پر متعلقہ حکام کا شکریہ ادا کیا۔ واضح رہے کہ اردو کے اولین صوفی شاعر اور حضرت نظام الدین اولیا کے مرید خاص حضرت امیر خسرو کے عرس میں شرکت کے لیے پاکستانی زائرین 12 تا 18 اپریل دہلی میں قیام کریں گے۔

Short Link: https://urdu.app.com.pk/urdu/?p=580530